Aaram Gard

I 1520 kom adelssonen Henrik Staalpande til Aaram frå Bergen. Han må ha tenkt den gong at han fann den beste jorda, der vest i havet med det milde klimaet og fjella i sør som verna mot den verste vinden. 16 generasjonar seinare er garden framleis i slekta og vert for fyrste gong driven av ei kvinne. I 2020 vart det planta nærare 10.000 bærbuskar og rabarbra på garden. Bæra vert råpressa, pasteurisert (ikkje kokt) og tappa på flasker, noko som gjer at den friske bærsmaken framleis er framtredande.